不知不覺已經到了最後一天，所以今日的行程也相對地輕鬆；第一站是位於雷克海岸線旁的維京船雕塑，據說這就是當年維京人發現冰島時的第一個登陸點，這裏平時開車時已經經過了很多次，但都無特別停下來拍個照。

下一站就是珍珠樓，外型雖奇特，但我都諗唔到佢似甚麼。。。附近仲有幾個我不懂欣賞的藝術作品。

上到珍珠樓上有一個360度旋轉餐廰，再往外走就有一個環型的露天走廊可以360度觀看整個雷克市。

睇完雷克的全景後就轉戰去食雷克一間好出名的雪糕店，去到門口就發覺已經堆滿了人，很難得在冰島會有人群出現的場面！想食雪糕系要先攞籌仔的，然後就等中間的顯示屏顯示自己的籌號就可以過去挑雪糕的口味了；另外有一面牆可以讓顧客自行貼上一些照片，可惜我地無即有即有相機啦。

最後這個雪糕是吃不完的，因為實在太冰了！然後就到當地一間也很出名的豬仔超市閒逛，發覺外國的超市就是特別好逛，很多貨品平時都很少見，逛下逛下就買了一大堆的豬古力，希望拎到返澳門時唔會溶曬啦～

原本晚餐是去試下當地一間很出名的餐廳，入到去時發現已經full了，坐著用餐的幾乎都是當地人，而且還有人在排隊，我們也排了一會兒，當發覺在可接受的時間範圍都不會輪到我們時，果斷地選擇離開了，結果就選了一間酒店附近的泰國餐廰，但呢間餐廳的食物水準絕對是水準以下再以下再以下。。。

在冰島的最後一個節目就是洗車，為了不想被罰錢就唯有出力的洗，經過前兩日的洗車經驗，好快就把呢部陪伴了我們10多日的SUV清洗乾淨，希望佢可以再為下一個旅行者帶來一個舒適安全的冰島自駕遊。

小結：
享受了冰島最後的寧靜一天
冰島雪糕！非洲火鍋？
真系好唔捨得呢度呀！
極光？還有最後一晚機會！

冰島自駕環島遊（2017-04）：
Day 01 – 初到”貴”境
Day 02 – The Golden Circle
Day 03 – 水簾彩虹
Day 04 – 飛機殘骸冰河湖
Day 05 – 初遇大雪
Day 06 – 雪地危情
Day 07 – 悠閒小鎮
Day 08 – 洗車初體驗
Day 09 – 重返首都
Day 10 – 冰川健行
Day 12 – 回家(完)