由澳門家門口出發，經過足足30小時的煎熬終於來到了冰島的雷克雅維克。出發前已經放了一件抓絨一件雨絨入背囊準備落機馬上著，但一到步發覺呢邊氣溫真系非常之凍，因為我地今次幫襯的租車公司在機場內沒有櫃台，所以要在機場外等穿梭巴士去租車公司，等巴士時又大風又落雨又凍，所以我都系建議下次搵返H字頭或者A字頭呢兩個國際連鎖租車公司，因為佢地在機場入都設有櫃台，呢點好重要。。。

由於冰島是左軚右線，而且我是第一次揸左軚車，都需要一些時間去適應，經常轉右彎時攞位攞得唔準。攞車後第一個景點就是去機場附近的藍湖，藍湖是冰島一個很出名的露天溫泉，沿途會聞到好濃烈的臭雞蛋味。因為我地都唔好浸溫泉，所以只系諗住去打個卡、影個相、買少少海底泥，但一落車又橫風又橫雨，風大到會吹到個人跟住D風走，好辛苦咁行到去入口諗住影張相就算，點知連影張相的能力都無，因為環境實在惡劣，加上一落機又著唔夠衫，而且又已這經是黃昏時間，所以急急步就走返上車去酒店check in先。

雖然無入到藍湖影相，但離開戈時都有在車上影了幾張，D湖水堅系呢隻藍色架，D相絕對無P過，而且實際環境真系有少少仙境feel tim~

到步的 第一日天氣很差，預定的行程受阻，希望黎緊呢10日會好天可以睇到極光啦～～

冰島自駕環島遊（2017-04）：
Day 02 – The Golden Circle
Day 03 – 水簾彩虹
Day 04 – 飛機殘骸冰河湖
Day 05 – 初遇大雪
Day 06 – 雪地危情
Day 07 – 悠閒小鎮
Day 08 – 洗車初體驗
Day 09 – 重返首都
Day 10 – 冰川健行
Day 11 – 臨別依依
Day 12 – 回家(完)