2026嘅我，一定要好好認真生活呀！

為咗一洗頹風，就趁今日幫自己立個Flag，當然唔係隨便立立，係年尾要打勾勾嗰種。

告別夜貓子，做個晨型人要將上床瞓覺時間由原本平均2-3點，提前到11-12點，所以今年應該會謝絕大部分宵夜。

多讀書雖然有讀寫障礙，蔡瀾說過讀書會令人增加氣質，希望今年開始，每月都可以讀一本書，而且要寫讀後感，長長知識咁。

多寫字又唔係真係執筆寫字，意思係多寫下文章，除咗每月寫一篇讀後感，仲想每月多寫一篇blog，除咗可以多啲紀錄生活，順便改善下自己嘅讀寫障礙。

多旅行至於出走方面，今年有三個地方想去：> 去一個可以特別地體驗生活、感受文化嘅地方，長長見識；> 去一個人煙稀少嘅隔世小島，靜靜咁住10日8日，清修下、潔淨心靈；> 去一趟Road Trip，好鍾意開住車穿州過省嘅感覺，去到邊食到邊住到邊，人生應該如此。

多鍛鍊平時零運動嘅我，跑個400米都差啲見蘇哥，今年目標係練到一口氣跑個5K，順便減肥，目標係搣10KG！

焗雞皇飯去小泉居食一個焗雞皇飯，呢個有少少複雜，也是最有難度的一個，食到再講。

今年嘅Flag就唔立太多啦，立太多只會給明年的自己打臉……

2026 別怕，去做！

這篇文章 2026 別怕，去做！ 最早出現於 腮也木木 部落格。