是咁的，今朝一起身睇新聞知道失聯的馬航MH370被發現墜落在我們入住的農家樂民宿附近的黑沙灘，於是我地就連早餐都唔食就飛車過去睇下，去到黑沙灘外圍時已架設了封鎖線，若要到飛機的墜落點就必須冒著零下2度的氣溫、冒著猛烈的強風徒步約4公里的碎石路才可到達，既然一場黎到，無理由唔入去睇下。

條路超級難行，風超級大，低溫乘風勢，體感溫度超低，行咗足足一個鐘終於都到了現場。

好吧，說真相了，其實呢架唔系失聯的馬航的MH370，但要頂著低溫強風行4公里是真的。呢架喺美國海軍一架於1973年墜毀的飛機，被發現墜落於冰島一個了無人煙的黑沙灘上，聽閒全機人員都生還。經幾十年後，飛機的殘骸依然完好保留，成為了冰島的其中一個境點。可能因為呢度比較偏僻，汽車又不允許駛，我們到達的時候只有10個遊客左右，但要影個靚相都要等上好一段時間，等到無其他人入鏡的時候就要好好把握時機了。

[ipanorama id=”950″ width = “100%” height = “320px”]
這裏也是一個守候極光的好地方，下次一於約幾個耐寒之人一齊黎呢度守夜；之前就有個攝影師在這裏拍下了極光照。

因為今日要轉移陣地到東部的Hofn(赫本)，所以在睇完飛機殘骸之後就爭取時間去黑沙灘的另一邊目下D玄武岩＋燈塔，但天氣又突然變差，加上GPS的傻瓜病又發作，所以都以安全為由取消呢個境點，轉到附近的N1油站先把油入滿後再繼續今天的行程；之前在首都的油站入油有職員幫手，也提早買了兩張prepay的入油卡，因為有D偏遠的油站是沒有工作人員的，入油就主要以自助形式，加上過兩日就是復活節，很多山卡啦的油站都無人返工，如果無買定prepay card的話，都幾頭㾗架。

第一次自助入油的時候又遇上大風雪，信用卡又用唔到，張prepay又唔work；發現好多人同我一樣都唔識用張卡，個個都對住部機發愁；因為過了呢個油站之後，所到的地方都是比較偏僻了，所以個個都爭取在這個油站學習一下張卡的使用方法。

原來張prepay卡要預先init咗先可以用，最後都成功入到油，然後就繼續駛向Hofn。

在扺達Hofn前約80公里左右有個Jokulsarlon(冰河湖)，而呢個Jokulsarlon也是冰島的重點景點之一，基本上遊客們都可以自由地接近冰塊，冰塊都是自然的藍色，而且都是浮動的，如果要企上去影相的話，就要自行考慮風險了。

[ipanorama id=”936″ width = “100%” height = “320px”]
在這裏遇見了一個好可愛的冰島小女孩。同佢影完相仲會向我地揮手講bye bye，太可愛了～

其間還遇到一對講廣東話的新人在這裹影婚紗相tim，原全佩服那新娘子的勇氣，我連伸對手出黎影半分鐘相都已經失去知覺，佢仲要著咁少布系度影咁耐，真系不得了！

影完冰河湖之後就去酒店Check in了；由於晚上的天氣又變得很差，所以就不冒險外出用餐了，在澳門準備定的乾糧終於派上用場；這樣惡劣的天氣可以放心早D訓，因為唔會見到極光。。。

小結：
冰島天氣真系話變就變；
GPS真的不能盡信；
學識了在冰島自助入油；
冰河湖上的藍冰真系好靚；
去冰島前一定要準備好乾糧；
第四天追極光任務失敗。。。

冰島自駕環島遊（2017-04）：
Day 01 – 初到”貴”境
Day 02 – The Golden Circle
Day 03 – 水簾彩虹
Day 05 – 初遇大雪
Day 06 – 雪地危情
Day 07 – 悠閒小鎮
Day 08 – 洗車初體驗
Day 09 – 重返首都
Day 10 – 冰川健行
Day 11 – 臨別依依
Day 12 – 回家(完)